Donibaneko Ubera bibliotekaren esperientzia eredu
Tabakaleran antolatu duten jardunaldi batean Donibaneko liburutegiaren esperientzia azalduko dute.
Hilaren 30ean, Tabakaleran, Elkarlanaren perspektiba biblioteketan; erronkak eta aukerak izenburupean Espainiako estatu osoko liburuzainak elkartuko dituen jardunaldi bat izango da, eta Ubera bibliotekako liburuzain Marga Alzuela gonbidatu dute bertara, Donibaneko liburutegiaren sortze prozesuaren eta bilakaeraren gaineko guztiak azaltzeko.
Jardunaldian estatuko eta nazioarteko beste esperientziak hartuko dituzte hizpide, eta hizlarien artean, besteak beste, Matt Finch izango da, Library Islands egitasmoaren sortzailea.
Jardunaldia ez da soilik liburuzainentzat. Lan komunitario eta kooperatiboetan interesa duen edonork har dezake parte. Izen-ematea zabalik dago jada.
Pasaiako bibliotekarik berriena da Donibaneko Ubera biblioteka. Bere sortze prozesua komunitatean txertatua egin da, biblioteken erabileraren gaineko hausnarketa eginez eta berritasun eta etorkizuneko joerei erreparatuta.
Bibliotekaren Lagunen batzarra, liburutegi berrian.
