Kolore eta zapore saltsa, kultur aniztasunaren eguna ospatzeko
Errenteria-Oreretako DBHko 326 ikaslek Errenteria eta Pasaia arteko bidea koloreztatu dutela.
Margotu duten muralaren aurkezpena egin dute ikasleek. Kolorea eta zaporeak nabarmendu dira Errenterian 11 kolore iniziatibaren aurtengo programan. Nabarmentzeko, Errenteria-Oreretako DBHko 326 ikaslek Errenteria eta Pasaia arteko bidea koloreztatu dutela. Gabierrotako gaztelekuko gazteek berriz, Mou ezizena duen artista gazteak diseinatutako marrazkiaren gainean udaletxeko balkoian zintzilikatu duten oihala margotu dute. Gainontzeko ludoteka eta gaztelekutan ere landu dute gaia eta CEPAko ikaslek beren eraikinean murala margotu dute Egin zaidazu bisita leloarekin.
Artea, sormena eta kolorea nagusi izan dira beraz, eta horri hamaika zapore gehitu dizkiote herriko 22 tabernek. izan ere, Errenterian 11 zapore iniziatibaren barruan, hainbat herrialdeetako pintxoen bidez zapore berri eta ezberdinak dastatzeko aukera eskaini dute.
Asteartean, ospakizuna amaitzeko eta kultur Aniztasunaren Munduko Egunarekin bat eginez DBHko ikasleek margotutako murala aurkeztu zuten danbor hotsek lagunduta.
