Ekonomia eta enplegua sustatzeko proposamenak landu dituzte jeltzaleek Arantza Tapiarekin
Bilera horretan, nork bere herrirako eta eskualderako proposamenak kontrastatzeaz gain, Eusko Jaurlaritzarekin elkarlanean landu daitezkeen programen inguruan ere aritu zirela jakinarazi du EAJk.
EAJko ordezkariak Reina aretoan egin zuten lan bilera atzo Arantza Tapia sailburuarekin. Oarsoaldeko lau alkategai jeltzaleek lan bilera izan zuten atzo Arantza Tapiarekin Ekonomiaren Garapena eta Azpiegituretako sailburuarekin. Bilera horretan, nork bere herrirako eta eskualderako proposamenak kontrastatzeaz gain, Eusko Jaurlaritzarekin elkarlanean landu daitezkeen programen inguruan ere aritu zirela jakinarazi du EAJk. “Oarsoaldea da ekonomi adierazleei dagokionez Gipuzkoan egoera kaxkarrenean dagoen eskualdea—azaldu du Peñak— Errenteriak desindustrializazio handia jasan zuen bere garaian eta Manchester Txikia izatetik industrian pisu txikia izatera pasa ginen. Bada garaia horri buelta emateko, eta horretarako beharrezkoa da udalak gidaritza hartzea”.
Gidaritza hartzearekin batera beste erakundeekin elkarlana ezinbestekotzat jo du Peñak, baita enpresekin ere, “Tknika eta Don Boscoren eskutik, datozen urteetan gure herrian ekonomia eta enplegua sustatzeko”.
