Lezoko udalekuetan izena emateko aukera zabaldu dute
Udaleku irekietan izena emateko aukera hilaren 31ra arte dago zabalik. 220 plaza daude, eta eskariak horiek gainditzen baditu, zozketa egingo da.
Udaleku irekien kartela. Lezoko udaleku irekietan izena emateko aukera zabalik dago, hilaren 31ra arte. Izen ematea Kultura sailaren bulegoan (Donibane kalean) 08:30etik 13:30era edo Internet bidez egin daiteke.
Matrikularen kostua 80 eurokoa da, 60koa familia ugarientzat; azken horien %25eko hobaria jasoko dute, eta prestazio ekonomikoen euskal sisteman daudenek %75ekoa. Lezoko Udalak gogorarazi du ordainketa ezin dela zatikatu, eta behin ordainketa eginda ez dela dirua itzuliko, nahiz eta haurrak udalekuak utzi. 3-12 adin tartekoentzat dira Lezoko Udaleku irekiak eta uztailaren 1etik 30era dira (09:30-13:30). Orotara 220 plaza daude eskaintzaren barruan, eta eskaria hori bainio handiagoa bada, zozketa egingo da.
Izena ematerakoan hainbat baldintza bete behar dira. Honakoak:
- Haurrak Lezon erroldatuta egotea (2019-01-01eko epean, beranduenen), etorkinak edota bizilekua aldatu dutenak salbu. Horien kasuan, Lezoko ikastetxean egon beharko dute matrikulatuta.
- Izen emate orria gurasoek sinatzea.
- Osakidetza txartelaren kopia.
- Haurraren argazki bat.
- Familia ugarien kasuan tituluaren fotokopia.
Haurtzaindegia
Udalekuen barruan haurtzaindegi zerbitzua ere egongo da, uztailaren 1etik 30era, 08:30etik 09:30era. Horren kostu orokorra 53 eurokoa da, familia ugarien kasuan 40koa. Zerbitzua abia dadin gutxienez 8 haurreko taldea osatu behar da.
Udalekuen xehetasun guztiak emateko udalak bilerara deitu ditu izena eman duten haurren gurasoak. Bilkura hori ekainaren 18an egingo da, 16:45ean, Gezala Auditoriumean.
