Jose Angel Rodriguez: "Lehia estua izango zela bagenekien, baina ez genituen atzoko emaitzak espero"
5.273 boto jaso zituen alderdi sozialistak atzo eta bigarren indarra izaten jarraitzen du, EH Bilduk baino hiru zinegotzi gutxiagorekin eta 1.668 botoren aldearekin. Balorazioa egin du hauteskundeen biharamunean.
PSE-EEko Jose Angel Rodriguez, Isaac Palencia, eta Goizane Alvarez. Errenteriako PSE-EEk atzoko udal hauteskundeen gaineko balorazioa egin du. 5.273 boto jaso zituen alderdi sozialistak atzo eta bigarren indarra izaten jarraitzen du, EH Bilduk baino hiru zinegotzi gutxiagorekin eta 1.668 botoren aldearekin. “Bozka kopurua mantendu badugu ere aurreko hauteskundeekin alderatuta, zinegotzi bat galdu dugu oso boto gutxirengatik”, esan du Rodriguezek. Ondo lan egin dutela, programa arduratsua osatu, eta kanpaina serioa egin dutela “sakoneko” proposamenekin erantsi du alderdi sozialistaren zerrendaburuak, eta onartu du jakin bazekitela lehia estua izango zela atzokoa aginte makila lortzeko baina ez zutela amaierako emaitza espero.
Eskerrak eman dizkio alderdi sozialistak beren alde bozkatu duten herritarrei, “Errenteriarekin dugun konpromisoa berretsi nahi dugu. Herria hobetzeko lanean jarraituko dugu oposiziotik, baita herritarren bizitza kalitatea hobetzeko lanean, DNAn sozialistan daramagun konpromisoa delako hori”.
Amaitzeko EH Bildu zoriondu du jasotako emaitzarengatik; “eskua luzatu nahi diogu ahal bezain beste kontuz hitz egiteko, beti ere Errenteriako bizilagunen hobe beharrerako”.
