Sagardo Jaia antolatuko dute Antxon larunbatean
Urtero legez, Pasai Antxok bere Sagardo Eguna ospatuko du. Larunbatean izango da eta ohiko lekuan burutuko dute, Gure Zumardian.
![](https://oarsoaldea.hitza.eus/site/files/2018/06/SagardoEguna.jpg)
Sagardoaren jaiak ez du hutsik egin aurten eta sagardo dastaketaz gain, tartak, sardinak eta pintxoak eskuragarri izango dira, sabela bete nahi duenarentzat.
Eguerdiko 12:30ean emango diote hasiera jaiari, Muxikoak taldearen emanaldiarekin. Arratsaldeko 17:30tik aurrera, edalontzien salmenta hasiko dute. Ordu erdi beranduago, txupinazoak hasiera emango dio dastaketari. Txalapartariek eta sagar bilketa lehiaketak gainera, jaialdia girotuko dute.