Euskal Eskola Publikoaren jaiaren harira, trafikoan aldaketak
Trafikoan hainbat neurri hartuko ditu Udaltzaingoak igandean Euskal Eskola Publikoaren Jaiaren harira. Hala, 09:00etatik 20:00etara herri erdialdea oinezkoentzat eremua izango da eta motordun ibilgailuentzat itxita egongo da.
Garraioan ere aldaketak izango dira igandean,Euskal Eskola Publikoaren Jaiaren harira. Argazkia: Sergio Ibañez. Trafikoan hainbat neurri hartuko ditu Udaltzaingoak igandean Euskal Eskola Publikoaren Jaiaren harira. Hala, 09:00etatik 20:00etara herri erdialdea oinezkoentzat eremua izango da eta motordun ibilgailuentzat itxita egongo da. Honakoak izango dira itxita izango diren kaleak: Maria Lezo, Xenpelar, Foru plaza, Alfontso XI, Biteri, Nafarroa Etorbidea, eta Zamalbide kalea.
Hurrengoetan, berriz, trafiko norabidea aldatuko da: Astigarraga, Oiartzun, Kristobal Gamon. Iztietarako sarbidea Pasaia kaletik egingo da. Hau da Donostia kaleko sarbidea ezabatuta egongo da. Errenteriara Lezo pasealekutik dagoen sarrera ere itxita egongo da, ohiko autobus, taxi eta larrialdietako ibilgailuen salbuespenarekin.
Oinezkoentzat eremuak izango direnekin batera, ondoko kale hauetan ere ez da ibilgailurik izango: Segundo Izpizua, Astigarraga, Oiartzun kalearekin gurutzea egiten duen lekutik Iztieta pasealekura arte, Iztieta pasealekua Irun kalearekin gurutzea egiten duen lekutik Ondartxora, Zamalbide kalea, Astotokia, Foru Palza, Nafarroako Etorbidea Matxainetik Galiziako biribilguneraino. Kale horiek libre egon beharko dute ekainaren 2ko 01:00ak baino lehen.
Trafikoari dagokionean, berriz, iparraldeko saihesbidera bideratuko da nagusiki, Kaputxinoetatik (tunela baino lehen) zein Lartzabaletik, martin Etxeberria eta Iztietara joan behar duten ibilgailuen kasuan izan ezik, horiek Biteri kaleko lehenbiziko tartera sartu ahalko dute Nafarroa Biribilgunetik. Era berean, Lezoko Altzate biribilgunetik Olibet Etxebrrietara ez doan trafiko guztia desbideratuko da.
Aparkalekuak
Jaiaren eremuaren barruan dauden garajeetan aparkatzen dutenek, halako kasuetan erabiltzen diren sarbideak erabili beharko dituzte. Donostia kaleko 2,4 eta 6 zenbakien artean dauden garajeetako erabiltzaileak, Pasaia kaletik sartuko dira eta ondoren kontrako norabidea hartuko dute. Nafarroa etorbideko 27ko aparkalekuan aparkatzen dutenek kontuan hartu beharko dute ekitaldia egiten den bitartean ezingo dutela ez sartu ez atera.
Aparkaleku bat egokituko dute gainera, jaira datozenentzat. Pasaiako Portuan izango da 09:00etatik aurrera eta jaia amaitu arte. beharrezko seinaleak jarriko dituztela jakinarazi du Udaltzaingoak.
beren kaletik edo aldamenekotatik ibilgailua atera behar duten bizilagunentzat, berriz, ekainaren 1eko 20:00etatik ekainaren 2ko 20:00etara: Telleri Ikastetxeko zabaldia, Bittor Idiazabal kalean; Fanderiako tenis zelaia; Lezon, Portuko zabaldia, Altzateko biribilgunetik sartuta.
Arramendiko parkearen (Lousada kalean) zabalgunean soilik karabanak eta autokarabanak aparkatzeko lekua izango da, gaurtik 19:00etan hasi eta ekainaren 2ko 21:00ak arte.
Garraio publikoari dagokionean, mozketek irauten duten bitartean Morrongilleta eta Xenpelar kaleetako autobus geltokiak Tullera lekualdatuko dituzte. Zumardian, Gabierrotan eta Lartzabalen dauden geltokiak, Diputazio plazara aldatuko dituzte.
