Inoiz ez da berandu ikasteko
Bizikletan ibiltzen ikasteko ikastaroa antolatu du Gurpilartea elkarteak udalarekin elkarlanean. Doakoa da eta helduei begirakoa.
Geroz eta pertsona gehiagok erabiltzen dute bizikleta lanera edo ikastera joateko. Bizikletan ibiltzen ikasteko helduentzako doako ikastaroa antolatu du ekainean Gurpilartea Elkarteak Errenteriako Udalaren lankidetzarekin. Ikastaroa Beraungo kirol pistan egingo dute 10:00etatik 12:00etara edo 12:00etatik 14:00etara, lau saioetan, larunbat eta igandeetan ekainaren 15-16 eta 22-23 asteburuetan.
Ikastaroa doakoa da baina izena eman behar dute parte hartu nahi dutenek Galtzarabordako kiroldegiko edo Fanderiako igerilekuetako harreran. Informazio gehiagorako 675 705 191 telefono zenbakira deitu edo posta elektronikora mezua bidal daiteke.
