Futbol afizionatuko torneoa abiatuko du gaur Touringek
Gaur eta bihar partidak jokatuta, larunbatean finala jokatuko da. Partidetarako sarrera doakoa izango da.
Ikusleak partidak ikustera deitu dituzte torneoaren antolatzaileek. Gaur hasiko da Errenteria Hiriko Futbol afizionatuko torneoa. Ibilbide luzea du atzetik, zalantzarik gabe, 41. ekinaldia izango duelako aurtengoa. Fanderiako zelaian, Touring, allerru, Oiartzun eta Real Union taldeak arituko dira nor baina nor txapelketa irabazteko asmoz.
Lehenengo partida gaur jokatuko dute Touring eta Allerruko jokalariek 19:00etan hasita; bihar, berriz, Oiartzun eta Real Unionen txanda helduko, ordu berean. Partidetarako sarrera doakoa da eta Touringek kirolzale eta futbolzale guztiak deitu ditu harmailak bete eta txapelketan parte hartuko duten taldeak animatzera.
Larunbatean finala jokatuko da. 16:30ean hasita, hirugarren eta laugarren postuak jokatuko dituzte; 1900etan, berriz, irabazlea erabakiko duen finala.
