Zure etxe ondoan dago AEK
Oarsoaldeko AEK-k hastear den ikasturterako eskaintzaren berri eman du. Etxe ondoan, eta praktika ardatz, erabileran eragin nahi dute.
Oarsoaldeko AEK-k ikasturte berrirako matrikulazio kanpaina aurkezte zuen atzo Errenteria-Oreretan. Oarsoaldeko herritarrek etxe ondoan AEK euskaltegi bat dutela nabarmendu zuten, zehaztuz eskaintza zabal dutela euskara era praktikoan ikasteko eta lantzeko, “lortuko duzu etxeko eta inguruko harremanak euskaraz izatea, lan egoera hobetzea, bilatzen ari zaren euskara maila eskuratzea…”. Aurreko ikasturtean 600 ikasle inguru izan ziren Oarsoaldeko AEKren lau euskaltegietan.
Eskaintzaren xehetasunetan sartuz, AEK-ko ordezkariek eurekin euskara nola ikas daitekeen adierazi zuten: eskolak euskaltegietan, autoikaskuntza, merkatarientzako ikastaroak, langabeentzako ikastaro trinkoak, mailak egiaztatzekoak, erabilera areagotzeko jarduerak, Mintzalaguna egitasmoa, Aizu! aldizkarian parte hartu…
Hori horrela, erabileran jarri du indarra AEK-k, “argi baitugu helburu nagusia euskara erabiltzea dela, euskaraz bizitzea, azken batean”. Hala, ikasgeletan bereganatzen dutenaz gain, ikasleek kanpo ekintzetan euskarara biltzeko aukera izango dute txangoen, tokian tokiko afarien, edo bestelako jardueren bitartez.
Irailaren buakerara arte eman daiteke izena AEK euskaltegietan, “gertuen duzun euskaltegian zure zain izango gara, zu zauden lekuan, AEK ere badago eta”.
Oarsoaldeko AEK euskaltegiak
- Errenteria-Orereta. Xenpelar AEK euskaltegia: Biteri 30, lehen pisua. Telefono zenbakiak: 607 56 92 00 eta 943 34 02 33. Posta elektroniko bidez mezua bidaltzeko sakatu hemen.
- Lezo. Oroitzene AEK euskaltegia. Donibane kalea 12, atzealdea. Telefono zenbakiak: 607 59 88 71 eta 943 51 91 44. Posta elektroniko bidez mezua bidaltzeko sakatu hemen.
- Oiartzun. Intxixu AEK euskaltegia. Aialde kalea 2, Fermiñene Etxean. Telefono zenbakiak: 607 553 42 63 eta 943 49 39 57. Posta elektroniko bidez mezua bidaltzeko sakatu hemen.
- Pasaia. Txirrita AEK euskaltegia. Zumalakarregi 9, Pasai Antxo. Telefono zenbakiak: 607 54 53 81 eta 943 52 55 45. Posta elektroniko bidez mezua bidaltzeko sakatu hemen.