Lezoko Zinema Ttikia, haur eta familientzat
Lezoko Zinema Ttikia taldeko kideek ikasturte osoko programazioaren berri eman dute. Hil honetatik maiatzera arte, 17 film emango dituzte.
Lezoko Zinema Ttikia egitasmoko kideek ikasturterako eskaintza osoaren berri eman dute. Haurrentzat hamar emanaldi prestatu dituzte, eta familia nahiz helduentzat beste zazpi. Eskaintza, mardula: euskarazko filmak izango dira ia denak; ez direnak, jatorrizko bertsioan emango dituzte, euskarazko azpitituluekin.
Hemen, eskaintza:
Haurrentzat (emanaldi guztiak Gezala Auditoriumean dira, 17:00etan hasita)
- Irailaren 22an, Leo Da Vinci.
- Urriaren 12an, Asterix, edabe magikoaren sekretua.
- Azaroaren 9an, Horman erlojua duen etxea.
- Abenduaren 7an, Oin Handiren semea.
- Abenduaren 28an, Maya erlea, ezti jokoak.
- Urtarrilaren 18an, Pirata arratoia.
- Otsailaren 8an, Ploey.
- Martxoaren 14an, Udare erraldoiaren istorio harrigarria.
- Apirilaren 25ean, Itsasontziak erreskatean.
- Maiatzaren 16an, Mr. Link.
Familia eta helduentzat (emanaldi guztiak Gezala Auditoriumean dira, 19:00etan hasita)
- Urriaren 12an, Basque selfie.
- Azaroaren 9an, Margolaria.
- Abenduaren 7an, Soinujolearen semea.
- Urtarrilaren 18an, Lou, dantzan jo ta ke, oinak lehertu arte.
- Otsailaren 8an, Gazako zerria (Le cochon de Gaza), jatorrizko bertsioan azpitituluekin.
- Martxoaren 14an, Kabi biluziak.
- Apirilaren 25ean, Europa transit (Mugalde mezuak / In dialogue), jatorrizko bertsioan azpitituluekin.