[Galeria] Bukatu dira
Baserritarren Egunarekin amaitu ziren atzo eta arratsaldeak irudi politak utzi zituen.
Oroitzene eta Zabarre eta buruhandien kalejiran hamarnaka haurrek hartu zuen parte. Lau eguneko egitarau oparoa xahututa, amaitu dira santakrutzak. Baserritarren Egunarekin amaitu ziren atzo eta arratsaldeak irudi politak utzi zituen. Dantzarako aukera izan zen Zubitxo plazan eta bertan hartu zioten neurria ere elkarri patata tortilla txapelketan parte hartu zuten hamabi sukaldari trebeek. Bere errezeta mimoz prestatu zuten denek, parean txapel jaurtiketa txapelketako lehiakideek beren abilezia erakusten zuten bitartean. Bat baino gehiago harrituta, zur eta lur gelditu zen txapela zein urrun botatzeko gai zen ikusita.
Bien bitartean, txikienek, buruhandi eta erraldoien aurretik izan ziren korrika maskurien danbatekoak saihesteko. Musika Eskolako txistulariek girotu zuten kalejira. Dotore dantzatu zituzten Zabarre eta Oroitzene, eta azken horrek txikienen opari berezia, hamarnaka txupete zituen eskumuturrean.
