Trafiko aldaketak Atlantikaldiaren eta Jaizkibelerako igoeraren harira
Nafarroa etorbideak kotxerik gabe egon beharko duenez ostegunetik igandera gaueko 22:00ak arte ez da ibilbide horretan aparkatzerik izango. Garraio publikoan ere aldaketak izango dira.
Garraioan ere aldaketak izango dira. Argazkia: Sergio Ibañez. Atlantikaldia musika eta kultura jaialdiaren eta Jaizkibelerako igoeraren harira hainbat neurri hartu ditu Udaltzaingoak. Nafarroa etorbideak kotxerik gabe egon beharko duenez ostegunetik igandera gaueko 22:00ak arte ez da ibilbide horretan aparkatzerik izango. Bestalde, hilaren 19an 19:30etik 22:30era Agirre Lehendakariaren plazan kontzertu bitartean trafikoa moztuko da; eta hilaren 20an eta 21ean puntu berean moztuko da 19:30etatik 01:00etara kontzertuek irauten duten bitartean.
Hilaren 22an Zamalbide kalea itxita izango da egun osoz tragikoari, eta Panierreko zubia ere itxita izango da ostegunean 19:30etik 22:30era, ostiralean 19:30etik 01:00etara, eta larunbatean 08:30etik 01:00etara.
Garraio publikoari dagokionean, Nafarroako Etorbideko mozketetan Irun-Hondarribia eta Oiartzunera doazen autobusak Gi-636 saihesbidetik desbideratuko dituzte eta Zumardia, Gabierrota eta Lartzabalgo geltokiak bertan behera geldituko dira. Gidariei erdigunea erabili beharrean, bide alternatiboak erabiltzeko eskatu diete halaber, eta auzoetara joateko Gi-636 saihesbidea erabil dezatela.
Jaizkibelerako igoeraren harira ere trafiko aldaketak izango dira larunbatean eta igandean. larunbatean 17:00etatik 20:30era Touring etorbidean egiaztatze teknikoak egingo dituzte. Hori dela eta 07:3oetik 20:30era trafikorako itxita izango da tarte hori.
