7.000 kilo kortxo botako dituzte Plazeta Futbol Zelaian
Zelaiaren funtzionaltasuna mantentze aldera botako dute kortxoa Plazetan. Lezoko Udalak, beste hainbat hobekuntza iragarri ditu kirol azpiegituretan, tartean Skate Park-a berritzeko proiektua
Kautxu eta plastikoaz gain, belar artifizialeko fubol zelaietan kortxoa ere bota daiteke. Lezoko Plazeta futbol zelaian zenbait hobekuntza egin dituztela jakinarazi Lezoko Udalak, hura baita herritarrek gehien erabiltzen duten espazioetako bat.
Zelaiaren bideragarritasuna bermatze aldera, 7.000 bat kilo kortxo bota dituzte Plazetan. Ezezagunagoa izan arren, belar artifizialeko zelaietan kortxoa ere bota daiteke. 5 urtetik behin egin behar da operazioa, zelaia hondatu ez dadin. Gauzak horrela, kortxo zaharra berriarekin ordezkatu dute.
Lezoko Udalak kortxoaren aldeko apustua egin zuen, ingurumenarekiko duten konpromisoa dela eta. Kautxua eta plastikoa ez bezala, biodegradagarria da kortxoa eta gutxiagotan ureztatu behar da. Gainera, dirudienez baloia ere errazago mugitzen dela diote udaleko iturriek.
Bekoerrota Kiroldegian ere berritasunak izango direla adierazi dute Udaletik. Fitness makina berriak jarriko dituzte eta Skate Park-a berritzeari ekingo diote.
