Zigor Garrok espetxetik irteteko bigarren baimena jaso du
NAIZ atari digitalak argitaratu duenaren arabera igandean atera zen Garro espetxetik eta atzo 20:00etan itzuli, lan kontuengatik hiru eguneko baimena eman ostean.
Zigor Garro amari azken egurra emateko espetxetik atera zeneko irudia, senid eta lagunek babestuta. Zigor Garro preso oreretarrak Landetako (Okzitania) Mont de Marsango espetxetik irteteko bigarren baimena jaso du. NAIZ atari digitalak argitaratu duenaren arabera igandean atera zen Garro espetxetik eta atzo 20:00etan itzuli, lan kontuengatik hiru eguneko baimena eman ostean.
Pasa den uztailean, arrazoi beragatik egun bateko baimena jaso zuen euskal presoak. NAIZ-ek berak albistean jaso deunez, gainera, urriaren 23an baldintzapeko askatasuna ematen dioten deliberatzeko audientzia bat izango du Garrok. Maiatzean amaituko du zigorra Garrok, eta epaileak audientzia horretan erabakiko du euskal preso oreretarrak lan egiteko zigorraren azken hilabeteak kalean eman ahalko dituen. hamabost egun geroago emango du epaileak ebazpenaren berriz.
Oreretarra pasa den urteko otsailean lekualdatu zuten Mont de Marsan espetxera. Saint Maurreko espetxean aurkitzen zen Garro, Euskal Herritik 680 kilometrora. Mont de Marsan espetxea, duela 11 urte zabaldu zuten, eta Errenteria-Oreretatik 150 kilometrora dago. 2014z geroztik Frantziako Estatuko espetxeetan dauden euskal preso gizonek, espetxe horretara eramatea eskatu diote Parisi, izan ere, hori da Frantziako Estatuaren espetxeen artean Euskal Herritik hurbilen dagoena.
