Asteburu emankorra, Errenteriako pilotariena
Hiru jardunaldi jokatuta EPLEren lehenengo mailako eskuz binakakoa, larruzko paleta, hirugarren mailako gomazkoa eta Batzokiko taldearen bigarren mailako gomazkoak partida guztiak irabazi dituzte Gipuzkoako txapelketa barruan.
![](https://oarsoaldea.hitza.eus/site/files/2019/09/img_5481.jpg)
Asteburu bikaina EPLEko zein Batzokiko jokalariena etxean zein etxetik kanpo. Garaipenen taulan plenoa lortzeko puntu bakarrera gelditu dira, jokatutako zortzi partidetatik zazpi irabazi baitituzte, eta galdutako bakar hori, 22-21 galdu dute. Agustina Otaola Raketista Profesionala frontoian jokatutako hirugarren mailako gomazko paletako bi partidetan garaipena. Arregi eta Urreagak 25-10 irabazi zuten Piña Kurdinen kontra, eta Izquierdo eta Bengoetxeak 25-23 irabazi zuten.
Hirugarren mailako eskuz binakakoan, Aranburu eta Mitxelena izan ziren garaileak, Gaztelekuren kontrako partidan 22-16ko markagailuarekin.
Etxetik kanpoko partidetan Batzokiko gomazko bi taldeen garaipena: Txoperena eta Ormaetxeak 10-25 irabazi zuten eta Mitxelena eta Labordek 23-25. Eskuz bikotekako lehenengo mailan ere garaipena Urmeneta eta Arangurenek 9-22 irabazi zuten Andoian, eta larruzko paleta seniorrean Eskisabel eta Ruben gailendu ziren Txost taldekoak 26-35 irabazita.
Taberna eta Odriozolak partida gogorra jokatuta tanto bakarrarengatik galdu zuten, bigarren mailako eskuz binakako partidan 22-21 gelditu zen markagailua.
Hiru jardunaldi jokatuta EPLEren lehenengo mailako eskuz binakakoa, larruzko paleta, hirugarren mailako gomazkoa eta Batzokiko taldearen bigarren mailako gomazkoak partida guztiak irabazi dituzte Gipuzkoako txapelketa barruan.