Gizon bat atxilotu dute gasolindegi batean lapurtzeagatik
26 urteko gizon bat atxilotu du Ertzaintzak goizaldean Nafarroa etorbidean kokatutako gasolindegi batean indarra erabilita lapurreta egiteagatik.
Ertzaintzak atxilotu egin du bide segurtasunaren aurkako delitua leporatuta. 26 urteko gizon bat atxilotu du Ertzaintzak goizaldean Nafarroa etorbidean kokatutako gasolindegi batean indarra erabilita lapurreta egiteagatik. Susmagarriak, ustez, ate bat indarrez ireki du gasolindegi barruan sartu eta lapurreta egiteko, baina Ertzaintzak bertan harrapatu du. Goizaldekoan, 03:15ean izan da gertakaria.
Gasolindegira iritsi direnean diru kutxa indarrez irekita zegoela, altzari batzuk mugituta eta txanpon batzuk lurrean aurkitu dituzte ertzainek. Eraikina inguratu dute ondoren, lapurra nondik sartu den bilatu nahian eta orduan ikusi dute atzeko atea indarrez irekia zegoela. Eraikinera sartuta, ikuskatzen hasi direnean pertsona bat topatu dute ezkutatuta. Identifikatu eta miatu egin dute gizona eta hainbat billete eta txanpon atzeman dizkiote, Segurtasun Sailaren arabera, diru kutxatik lapurtutakoak. Gizona atxilotu egin dute indarrez lapurreta egitea leporatuta eta ertzain etxera eraman dute.
