Jostailuz beteko dira kaleak inauteriekin
Guztira, 603 boto jaso dituzte; 214 internet bidez, eta 389 paperean. Bozketan parte hartu dutenen artean, 172 lagunek egin dute jostailu eta jolasen gaiaren alde.
Inauterietako jai batzordeak agerraldia egin zuen atzo arratsaldean. Jostailu eta jolasak. Hori da Errenteriarrek aukeratu duten gaia 2020ko inauterietan herria mozorrotzeko. Atzo jakinarazi zuen Inauterietako batzordeak egin zuen agerraldian, eta eskertu egin zuten herritarren parte hartzea aukeraketa egiteko garaian. Guztira, 603 boto jaso dituzte; 214 internet bidez, eta 389 paperean. Bozketan parte hartu dutenen artean, 172 lagunek egin dute jostailu eta jolasen gaiaren alde; 127k, kirolaren alde; 45ek, intsektuak aukeratu dituzte; 49k Teoren ipuinak; 168k zonbiak; eta 42k, janariak.
Atzoko agerraldian dei berezia egin ziten Errenteria-Oreretako taberna, saltoki, kuadrilla eta norbanakoei, jostailu eta jolasen gaia ardatz hartuta euren mozorroa prestatzeko.
