PSE-EE lehen indarra Errenterian, Espainiako Gorteetarako hauteskundeetan
PSE-EE izan da garaile eta EH Bildu berriz, bigarren indarra, apirilekoetan lortutako hirugarren postutik bigarrenera pasata.
Bi lagun bozkatzen gaur Errenteria-Oreretan. Espainiako Gorteerako hauteskundeetan kongresurako bildu diren botoetan PSE-EE izan da garaile Errenteria-Oreretan. Alderdi sozialistak 5.235 boto eskuratu ditu (%26,27), eta bigarren indarra izan da EH Bildu; koalizio subiranistak 4.698 boto jaso ditu (%23,58). Elkarrekin Podemos hirugarren indarra izan da 4.170 bozka lortuta (%20,930). EAJk, 3.764 bozka jaso ditu Errenteria-Oreretan (%18,89). Atzetik, alde handiarekin, Espainiako eskuineko indarrak: Bosgarren izan da PP 1.086 botorekin (%5,45); seigarren Vox 369 botorekin (%1,85) eta zazpigarren Ciudadanos 242rekin (%1,21).
Pasa den apirileko hauteskundeekin alderatuta behera egin dute alderdi sozialistak, Elkarrekin Podemosek eta EAJk. EH Bilduk gora egin du, berriz, 66 boto gehiago jaso ditu eta apirileko hauteskundeetan hirugarren indarra izan bazen, gaur bigarren postura egin du jauzi koalizio subiranistak. Txanponaren bestaldean, Elkarrekin Podemos, hirugarren postua lortu du gaurko emaitzekin, apirilekoetan lortutako bigarren postuan behera eginda.
Espainiako eskuineko indarrek, berriz, zertxobait egin dute gora, hori da PP eta Voxen kasua, baina Ciudadanosek ia 400 boto gutxiago jaso ditu Errenteria-Oreretan. Ez da aintzat hartzeko datua, ordea, izan ere PP, Vox eta Ciudadanos alderdiek elkarrekin ez dute 1.500 boto ere batzen.
30.610 errenteriar zeuden deituta gaur bozkalekuetara eta %65,39ko parte hartzearekin abstentzioa apirileko bozetan baino altuagoa izan da gaur, %34,75; apirilekoetan baina 6 puntu altuagoa.
Ondokoak, Errenteria-Oreretako emaitzen zerrenda (parentesi artean pasa den apirileko Espainiako Gorteetarako hauteskundeetako botoen kopurua).
- PSE-EE: 5.235 (5.801)
- EH Bildu: 4.698 (4.633)
- Elkarrekin Podemos: 4.170 (5.195)
- EAJ: 3.764 (3.819)
- PP: 1.086 (1.004) boto
- Vox: 369 (272)
- Ciudadanos: 242 (630)
- PACMA: 149 (244)
- Beste batzuk: 113 (109) boto
