Larri gaixo diren euskal presoen eskubideen aldeko anbulantzia Errenterian da
Sare Herritarrak larri gaixo dauden euskal presoen inguruan abiatutako dinamika Errenteria-Oreretara heldu da. Gaixotasun larri eta sendaezinak dituzten euskal presoen egoera kontuan hartuta,gizartea eta eragileak aktibatzea du helburu, preso horien egoera gizarteratzea irtenbide bat emateko. 21 euskal preso dira egun gaixo larri daudenak, horietako bi, Errenteria-Oreretakoak: Aitzol Gogorza eta Mikel Arrieta. Espetxealdi arinduan da Gogorza pasa den apiriletik, eta beraz, zigorra etxean betetzen ari da. Arrieta, berriz, Algeciraseko (Andaluzia, Espainia) espetxean aurkitzen da, etxetik 1.100 kilometrora.
Atzo heldu zen eta igandera arte izango da Errenteria-Oreretan, eta Pasaia eta Oiartzuna ere joango da anbulantzia. Bihar, karteladarekin bat egingo du anbulantziak Errenteria-Oreretan, eta etzi (larunbata) kotxe karabanak antolatu dituzte Pasaian 12:00etan Meipitik abiatuta, eta arratsaldez Errenteria-Oreretan Alaberga, Iztieta eta Gabierrota auzoetatik.
Igandean, berriz, bizikleta martxa antolatu dute. Lartzabalgo anbulatoriotik abiatuko da 10:30ean eta Oiartzunera joango dira.