Polentzi Gezala omentzeko kalejira, bihar
Polentzi Gezala txistularia jaio zela 100 urte beteko dira hilaren 20an. Herriko, eta hainbat herritatik etorritako txistulariekin kalejira egingo dute.
Polentzi Gezala. 1919ko azaroaren 20an jaio zen Polentzi Gezala Sagarzazu txistulari lezoar handia.2008ko otsailaren 22an hil zen. Bihar (asteazkena) beteko dira 100 urte jaio zela, beraz.
Lezoren izena mundu zabalean eramandako musikariaren omenez —18 diskoan parte hartu zuen, horietatik zazpi bakarkakoak—, bihar (asteazkena) 19:30etik aurrera Lezotik zehar txistularien kalejira berezia egingo dute: Lezoko eta hainbat herritako musikariak bilduko dira Gezalaren omenez.
