Etxebizitzak energia berriztagarriekin janzteko
Energia berriztagarriak zure etxean... posible da! tailerra egingo dute hilaren 11n 18:30ean Reina aretoan; etxean energia berriztagarriak ezarri ahal izateko beharrezkoak diren irizpideak eta ezagupenak modu argi eta ulergarri batean eskaintzea da helburua.
Energia modu eraginkorrean erabiltzeko ideiak bilatuko dituzte gazteek. Energia berriztagarriak zure etxean… posible da! tailerra egingo dute hilaren 11n 18:30ean Reina aretoan. Argitu programaren barrukoa da tailer hori, Gipuzkoako Foru aldundiaren Ingurumen eta Obra Hidraulikoetako departamentuak eta Errenteriako Udalak elkarlanean antolatutakoa, eta etxean energia berriztagarriak ezarri ahal izateko beharrezkoak diren irizpideak eta ezagupenak modu argi eta ulergarri batean eskaintzea da helburua.
Energia berriztagarrien ezarpenak araudiari lotutako aldaketak zian ditu, eta aldaketa horiek teknologia horien ezarpena erraztu du, bai banakako etxebizitzetan zein blokeetan ere.
Saioak izaera praktikoa izango du eta berriztagarrien instalazioak egiteko baldintzak azalduko ditu gaian aditu batek, eta kasu praktikoen bidez instalazio horietan sortutako energia nola erabili daitekeen azalduko du.
Tailerrean parte hartzeko izena eman behar da hilaren 9a baino lehen, posta elektronikoz edo 628 532 248 telefono zenbakira deituta astelehenetik ostiralera, 08:00etatik 16:30era. Informazio osagarria, berriz, hemen kontsulta daiteke.
