Saneamendura diru gehiago bideratzeko eskatu dute Pasaiako 11 elkartek
2020ko aurrekontuan eta hurrengoetan Pasai Donibaneko saneamendu-lanak egiteko diru gehiago bideratzea eskatu diote Eusko Legebiltzarreko talde politiko guztiei.
Udalak esandakoaren arabera, saneamendu-lanak 202an hasiko dira. Aurreko astean iragarri zuen Pasaiako Udal Gobernuak ohiko udalbatzarrean Donibaneko saneamendu-lanak 2020an hasiko direla. Bertan izan ziren hainbat herritar eta eragile ekologista eta ezbaian jarri zuten iragarritakoa albiste ona izatea, urte askoz geldituta egon den eskaera herriko da eta. Gainera, udalak 2020an bideratuko duen diru kopurua —150.000 euro— nahikoa izango ote galdegin zioten udal ordezkariei.
Gaur bertan jakinarazi du Eguzki Talde Ekologistak, Eusko Legebiltzarreko talde politiko guztiei idatzi bat helarazi diela. Eguzki berak eta beste 10 elkartek Eusko Jaurlaritzako 2020ko aurrekontuetan saneamendu-lanetara diru gehiago bideratzea eskatu dute. Saneamendu lanen parte bat, URA Agentziaren ardura da, eta ondorioz, Eusko Jaurlaritzarena.
Emendakinen bidez, bideratuko den diru kopurua handitzeko eskatzea nahi dute elkarteek, eta gaineratu dute, helburua lortzeko beste edozein tresna ongi etorria izango da”. Saneamendua “10 urtez geldituta” izan dela oroitarazi dute berriz ere, eta legebiltzarreko talde politikoei “arduraz jokatzeko” eskatu diete, jasotako erantzunaren berri emango baitiote herritarrei.
11 elkartek egin dute bat bidalitako testuarekin: Bonanza Auzo Taldea, Bixi-Bixi Elkartea, Itsas-Gela, San Juan Koxtape Arraun Elkartea, Albaola Itsas Kultur Faktoria, Cub Deportivo de Pesca Nautica Ixkiro, Xanju Kirol Elkartea eta Eguzki Talde Ekologista.
