'Gulstav Trader' zamaontzi daniarraren hondoratzea oroituko dute hilaren 19an
Ana Maria benito eta Javier Mazpelu.
Pasaiak beti izan du izan du harreman zuzena itsasoarekin, baina ez beti pozgarria. Azken hamarkadetan gertatutako hainbat itsasontziren hondoratzeak gogoan izan ditu Urperaketak erakusketak, hala nola, Petracho, Lasarte, Carreira eta Marero Pasaiako itsasontziena. Ana Maria Benito, Javier Mazpule dira sortzaileak eta Pasaiako liburutegien babesa jaso dute. Benito eta Mazpule hondoratze esanguratsu horien berri eman zioten HITZAri azaroaren 19an.
Urperaketak zikloa azaroaren 27an bukatzekoa bazen ere, itsasontzien zaleek azken aukera izango dute hilaren 19an gertakari hauengandik ikasteko. Gulstav Trader itsasontziaren hitzaldi bertan behera geratu zenez, berriz ere antolatzeko erabakia hartu dute Maria Benitok, Javier Mazpulek eta Pasaiako liburutegiek.
Hilaren 19an egingo dute Trintxerpeko Alkateordetzan 19:30etatik aurrera. Antolatzaileen aburuz, hitzaldi interesgarri bezain hunkigarria izango da, ezbeharra gertutik bizi zuten pertsonek parte hartuko dute eta. Gulstav trader zamaontzi daniarra izango da protagonista. 1979ko abenduaren 19an Jaizkibelen magalaren kontra jo zuen portuan sartzen ari zela, motorrak huts eginda.
