Igandean egingo du Sanpedrotarra Arraun Elkarteak ohiko batzar orokorra
Batzarra arraun elkartean egingo dute eta bi deialdi izango ditu, lehena 10:00etan eta bigarrena 10:30ean.
2020ko sasoian KAE1 ligan lehiatuko dira moreak. Hilaren 15ean (igandea) egingo du Sanpedrotarra Arraun Elkarteak, ohiko batzar orokorra; maila galdu ondoren egingo den lehena. Hori izango da berritasun nagusia kirol balantzeari dagokionez, 2020ko sasoian KAE1 ligan lehiatuko baitira moreak. Aro berri baten atarian daude, eta horrek proiektu osoari eragingo dio ezinbestean. Bi deialdi izango dira, lehena 10:00etan eta bigarren 10:30ean.
Arraun elkartearen egoera ekonomikoa eztabaidatuko dute. Ez dira aldaketa handirik aurreikusten, San Pedron ohitu egin dira gutxirekin asko egitera eta datorren urtean bide beretik jarraituko dutela dirudi. Kirol eta ekonomiaren egindako irakurketaren arabera, 2020ko estrategia diseinatuko dute.
Elkarte Gastronomikoaren egoera ere aintzat hartuko dute eta jarraian lehendakariaren hautaketa egingo dute. Batzarra amaitzerakoan, ez ohiko eguneko puntu bat eztabaidatuko dute; elkarteko eraikinean egiten ari diren konponketak eta finantzaketa.
