[Galeria] Aurreikuspenak txiki utzi ditu Mindararen azoka solidarioak
Hirugarren azoka solidarioa egin zuen larunbatean Mindara elkarteak, eta emaitzarekin pozik azaldu dira.
Mindara elkarteak azoka solidarioa aurkeztu du hirugarrenez. Hirugarren azoka solidarioa egin zuen larunbatean Mindara elkarteak, eta emaitzarekin pozik azaldu dira. Arrakastatsua, hala definitu dute azoka, taldearen aurreikuspenak gainditu dituelako erabat, bai salmentetan baita parte hartzean ere.
Pintxoak, jostailuak liburuak, ipuinak, sentsibilizazio jolasak, DJa, photocalla, aurpegia margotzeko tailerra eta elkartearen gaineko informazioa izan ziren Koldo Mitxleena ikastetxearen jolastoki estalian. Roberto Whiteren ikuskizunarekin gozatu zuten, izerditu Anne eta Mari Cruzen zumba saioarekin, eta azoka behar moduan amaitzeko zozketa egin zuten Oarsoaldeko kirol taldeei eta merkatariei esker.
Mindarak eskerrak eman dizkie azokara hurbildu ziren guztiei, erosi zutenei, lagundu dutenei, eta elkartea osatzen duten familiei, “haiek gabe ezinezkoa litzatekeelako hau guztia”.
Ondoko argazkiak Mindara elkartearenak dira.
