437 herritarren artean banatuko dira 70.000 euroak
Azkuene kaleko Odrietxe paper dendan loterian jokatzen duen bizilagun peña bat izan da Primitiboak emandako 'Sari Potoloaren' irabazlea. Dirua herritar askoren artean banatuko da.
Javi, Odrietxe paper dendako jabeak 70.000 euro banatu ditu gaur. “Euro zaparrada Trintxerpen” mezuaren bidez jakinarazi Loterias y Apuestas de Estadoko Gipuzkoako Ordezkaritzak Trintxerpen sari bat izan dela. 70.328 euro izan dira guztira eta Azkueneko kaleko Odrietxe paper dendako administrazioak saldu ditu Primitiboak emandako sari potoloaren txartelak.
Irribarre zabal batekin ekin dio egunari Javik Odrietxeko jabeak, saria herritar askoren artea banatu baita, “437 lagunez osatzen da peña. Ez dute dirutza jasoko, baina Gabonetan oparitxo bat edo egiteko balioko die”.
Odrietxen loteria jokatzen duen herritar peña bat izan da irabazlea. Barrutiko peña historikotzat jo daitekeela dio Javik, “duela 25 bat urte sortu zen peña eta kide gehienak Trintxerpekoak dira”. Bigarren kategoriko (5+0) saria izan da eta beste irabazle bat izan da Cadizen (Andaluzia).
