Ozenki eta Rossini abesbatzak, Madalenaren basilikan
Abesbatza doinuekin girotuko ditu Gabonak Maria Magdalenaren Lagunak Kultur elkarteak. Lehenengo hitzordua, bihar izango da eta Hernaniko Erenotzu auzoko Ozenki abesbatzako kideak izango dira emanaldia eskaintzen.
Ozenki eta Maria Magdalenaren Lagunak Kultur Elkarteko kideak Madalenaren basilikan. Abesbatza doinuekin girotuko ditu Gabonak Maria Magdalenaren Lagunak Kultur elkarteak. Lehenengo hitzordua, bihar izango da eta Hernaniko Erenotzu auzoko Ozenki abesbatzako kideak izango dira emanaldia eskaintzen. 20:00etan hasiko da emanaldia, eta Imanol Kamiok zuzenduta 40 ahotsek beteko dute basilika. 1994an sortu zuten Ozenki abesbatza eta bere ibilbidean, besteak beste, Anoetako Estadioan egin zen Bai Euskarari Ekitaldian parte hartu zuen, 2011 Imanol kamio zuzendariak konposatu zuen garaiko San Migel ligako ereserkia aurkeztu zuten beste abesbatzekin batera, baita Hernaniko futbol eta errugbi elkartearentzako ereserkia ere.
Ozenkirekin batera, Hernaniko Doinu Zale musika eskolako orkestra arituko da, “kalitatezko errepertorioa ederra eskainiko dute”.
Bigarren hitzordua, hilaren 27an helduko da 20:30ean. Orduan Bilboko Rossini abesbatzak egingo du emanaldia. Carlos Imazek zuzenduta Gabonetako kanten emanaldi biribila eskainiko dute bilbotarrek. Kantu herrikoiak berreskuratu eta moldatu egin ditu abesbatzak, originalak berreskuratu eta esentzia galdu gabe moldatu.
2020rako egitaraua ere ia osorik lotuta dutela jakinarazi zuten bestalde, Lourdes Uranga eta Miguel Iraeta elkarteko ordezkariek, “orain arte bezala hilabetean emanaldi bat eskaintzeko asmoa dugu eta horri begira lotuta ditugu ia guztiak datorren urterako”. aurtengo balantzea, positiboa, erabat, “kontzertu bakoitzeko 100dik gora lagun gerturatu dira”.
