[Galeria] Errenteriarrak ez dira etxean gelditu San Tomas egunean
Giro aparteko eguna izaten ari da Errenteria-Oreretan. San Tomas eguna da eta jende andana atera da kalera Eguberriei behar bezalako hasiera emateko.
Haur, gazte, heldu eta adinekoen topaleku izan da San Tomas azoka. Eguraldiak eutsi dio goizean eta errenteriarrek ez dute bi aldiz pentsatu, jende andana irten da kalera eta San Tomas azokak ohiko itxura ederra izan du, hobea akaso. Haur, gazte, heldu eta adinekoen topaleku bihurtu da Errenteria-Oreretako alameda eta haren inguruak.
Azoka osoa izan da, izan ere ohiko barazki postuei, pastel, gozoki eta jostailuen postuak ez dira falta. Abereak nola ez, bertan izan dira ere. Janaria eta edaria nonahi topatu daiteke oraindik ere eta euria hasten badu ere, badirudi giroak ez duela alde egingo Errenteriatik.
HITZAk San Tomas azokako irudiekin, honako galeria hau osatu du.
