Ipar martxa Leitzarandik barrena
Izena emateko epea gaur bukatuko da. Interesdunek Urdabururen egoitzara joan behar dute 19:00etatik 21:00etara, edo galdetegia online bete.
Urdaburuk antolatutako ipar martxa irteera baten artxibo irudi bat Urdaburu Mendizale Elkarteak antolatuta, ipar martxa ibilaldia egingo dute igandean Leitzarandik barrena. Zita Lezoko tren geltokian egin dute igandean 08:55ean —trena 09:06an ateratzen da— eta ez direla inoren zain izango jakinarazi dute. Andoai-Erdialdeko tren geltokian jarri dute bigarren zita, bertan bat egin nahi dutenentzat,09:40an.
Hamar kilometro pasako ibilaldia prestatu dute Urdaburukoek Leitzaran barrena, Lizarkola kanala eta Ubaran inguruetan; Ubaran Leitzaran errekaren azken ibaiadarra da. Ibilbide mistoa izango da, eta mendiko pista, asfaltoa eta aldapa txiki bat pasako dituzte parte hartzaileek. Lizarkola kanala, Sorginen zubia, Bertxin eta Olaberri ur zentralak ikusiko dituzte.
Ibilaldirako eraman beharrekoak ere zehaztu dituzte antolatzaileek: ura, trekkingeko zapatilak, eta ipar martxako makilak.
Izena emateko epea gaur itxiko dute. Interesdunek, online egin dezakete hemen klik eginda, edota Urdabururen egoitzan gaur, osteguna, 19:00etatik 21:00etara.
