Euskal Inauteriz jantzi du Beraun Bizarain Ikastolak
Bizarain Ikastolako HH eta LHko ikasle eta irakasleek Inauterietako desfilea egin dute Beraun auzoko kaleetan barrena. Adi adi jarraitu dituzte bide bazterretik guraso eta aiton-amonek haien dantzak.
Bizarain Ikastolaren Euskal Inauteria Beraunen. Inauterien alaitasuna eta kolore ortzadarra Beraungo kaleetan barrena zabaldu dute gaur goizean Bizarain Ikastolako HH eta LHko ikasle eta irakasleek. Ez diote hutsik egin urteroko ohiturari, eta eguraldia lagun, kalez kale paseatu dituzte dotore euskal Inauteria eta euskal musika. LHko egoitzatik abiatu dira handienak eta Bizarain Txikin egin dute bat HHkoekin. Handik kalez kale joan dira, Norberto almandoz, aita Donosti, San Marko, Jose Maria Usandizaga zeharkatuz Pablo Sorozabal plazaraino.
Bidean zehar emanaldia egin dute, baita plazan bertan ere, ikustera gerturatu diren senideen txalo artean.
