Trabajadoreen omenezko txokoa inauguratu dute
Kattin Txiki elkarteak eta Oiartzungo Udalak elkarlanean sortu duten trabajadoreen barrakoiaren erreplika inauguratu dute gaur eguerdian.
Gaur inauguratu dute barrakoiaren erreplika. Kattin Txiki elkarteak eta Oiartzungo Udalak elkarlanean sortu duten trabajadoreen barrakoiaren erreplika inauguratu dute gaur eguerdian. Arkalen kokatuta dago erreplika hori eta trabajadore izan zirenenganako aitortza txokoa bilakatuko da. Kattin Txikiko bi ordezkarik hartu dute hitza inaugurazio ekitaldian trabajadoreen historia kontatzeko; 12.000 ekarri omen zituzten Oarsoaldera, eta 3.000 Oiartzuna.
Fusilatu zituzten zortzi langileei aipamen berezia, eta bildutakoen aitortza: Felipe Ledesma Cano, Manuel Vancell Sola, Antonio Lopez de Dios, Mariano Calvo Herrador, Francisco Murillo Davila, Jose Sanchez Molero, Jose Sirera Inza, eta Antonio Lopez Fernandez. Horiek dira dokumentatuta dauden fusilatuen izenak, eta gaurko inaugurazio ekitaldian tarte berezia eskaini diete. Mikel Laboaren Txoria txori doinuarekin batera, zortzi aitzur jarri dituzte barrakoiaren aurreko aldean, eta horietako bakoitzari fusilatutako zortzi trabajadore horien izen abizenak, eta krabelin gorri bana.
Fusilatutako Manuel Vancell Solaren biloba izan da inaugurazioan, Bartzelonatik etorria. Hunkituta hartu du hitza Oiartzungo Udalari eta Kattin Txiki elkarteari eskerrak emateko. Lore sorta eta oroigarria eman dizkiote, baita aurreskua dantzatu ere.
Joana Mendiburu Garaiar alkateak ere hartu du hitza, bizikidetza erdigunean jartzeko. Keinu ere hitzartzean alkateak, munduan ematen diren injustiziei. Horren harira, Palestinako sarraskia aipatu du.
