Batel liga: San Pedrok hiru, San Juanek hiru
Gipuzkoako Batel Ligako laugarren jardunaldia izan zen jokoan atzo Urumea ibaian. Pasaitarren nagusitasuna, berriz ere agerian.
Mutilen Promesa Mailako San Pedro eta San Juan, atzo lehia bizian. Argazkia: Sanpedrotarra Arraun Elkartea. Gipuzkoako Batel Liga poztasun iturri izaten ari da Pasaiako ontzientzat. Laugarren jardunaldia atzo (igandea) izan zen Donostiako Urumea ibaian: jokoan izan ziren zortzi kategorietako estropadetatik, sei garaipen Pasaiara. Hiru San Pedrok, eta beste hiru San Juanek. Herriko bi kluben arteko lehia bizi-bizi doa aurten ontzi txikietan.
San Pedro mutilen eta nesken Haur Mailan eta nesken promesetan izan zen garaile. San Juan, berriz, mutilen Promesa Mailan, nesken Gazte Mailan, eta emakumeen absolutuetan. Hurrengo jardunaldia, ligako bosgarrena, hilaren 25ean izango da, Tolosan.
Bestelakoan ere emaitza esanguratsu asko lortu zituzten pasaitarrek. Honakoa horien laburpena:
- Mutilen Haur Maila: San Pedro irabazle, eta Trintxerpe-Illunbe bosgarren.
- Nesken Haur Maila: San Pedro A irabazle, eta San Pedro B bederatzigarren.
- Mutilen Promesa Maila: San Juan A irabazle, San Pedro A bigarren, San Juan B seigarren, San Pedro B zazpigarren, eta San Juan C hamaikagarren
- Nesken Promesa Maila: San Pedro A irabazle, San Juan A bigarren, San Pedro B zazpigarren, San Pedro C hamazazpigarren, eta Trintxerpe-Illunbe hemezortzigarren.
- Mutilen Gazte Maila: Tolosaldea irabazle, San Juan laugarren, eta San Pedroren B eta A ontziak bosgarren eta seigarren hurrenez hurren.
- Nesken Gazte Maila: San Juan A irabazle.
- Gizonen Absolutuak: Ur Joko irabazle, San Pedro bigarren, eta San Juan hirugarren.
- Emakumeen Absolutuak: San Juan irabazle.
Urumeako emaitzen zerrenda osoa ikusteko, egin klik hemen.
Gipuzkoako Batel Ligako sailkapen nagusia ikusteko, klik egin hemen.
