Errazetik irakurtzen hasteko
Aste honetatik aurrera ordutegi berria izango dute IE Irakurketa Errazeko taldeek, izan ere goizetako bi saioak bateratu egingo dituzte.
Lekuona Fabrikako Irakurketa Errazeko taldeetan izena eman daitekeela jakinarazi du udalak. Gainera, aste honetatik aurrera Lekuona Fabrikako IE taldeek ordutegi berria izango dutela azaldu du, izan ere, bateratu egin dituzte goizetako bi saioak. Irakurtzeko zaletasuna duten pertsonak irakurketara hurbiltzea du helburu programa horrek, eta horretarako, bereziki moldatutako materiala erabiltzen dute. arrazoi ezberdinengatik irakurtzeko ohitura galdu, edota zailtasunen bat duten pertsonak daude parte hartzaileen artean.
Ohiko eleberriak baino arinagoak izaten dira saioetan erabiltzen dituzten liburuak, ulermena hobetu eta kideen arteko elkarrizketa sustatuz. Dinamizatzaile batek lagunduta, taldeko partaideek ulermena hobetzen eta kideen artean elkarrizketa sustatzen dute. Irekiak dira taldeak, eta irakurtzeko afizioa duen edozein animatu daiteke goizeko solasaldira.
Arratsaldeko saioan, berriz, baldintza bakarra 60 urte baino gehiago izatea da baldintza bakarra. Saioak asteazkenetan izaten dira, IE talde irekia, 11:30etik 12:30era egiten dute, eta IE 60 urtetik gorakoentzat, 16:00etatik 17:00etara.
Izena eman edo informazio gehiagorako Lekuona Fabrikara jo dezakete interesdunek, 943 44 96 35 telefono zenbakira deitu, 647 67 34 51 zenbakira whatsapp zenbakira mezua bidali, edota posta elektronikora mezua bidali. Horretarako egin klik hemen.
