'La infiltrada' filmaren grabaketagatik, trafiko mozketak
Gaztañori eragingo diote mozketa horiek ostegunean eta ostiralean; Pablo Iglesias kalean ere izango du eragina mozketak.
DSPablo Iglesias kaleari eta Gaztaño auzoari eragingo diete grabazio lanek ostegun eta ostiralean. La infiltrada filmaren grabaketa lanak direla eta, trafiko mozketak egingo dituzte ostegun eta ostiralean. Mozketa horiek, Gaztaño auzoari eta Pablo Iglesias kaleari eragingo diete. Ostegunean, otsailak 29, 08:00ean hasiko dituzte grabaketa lanak eta 18:00ean bukatzea espero dute. Ostiralean, martxoak 1, berriz, 16:00etatik 03:00ak arte egingo dute grabazioa.
Horrenbestez, Gaztañorako sarrera eta irteera Lousada kaletik egin beharko da aipatutako orduetan, trenbide ondoko sarbidea itxita egongo baita.
Pablo Iglesias kalearen kasuan, berriz, bost minutu inguruko aldizkako mozketak egingo dituzte, eta kale horretako aparkaleku batzuk grabazio taldeko behar logistikoetarako baliatuko dituzte.
U34 autbusari ere eragingo dio grabazioak; ez da Gaztañotik pasako grabazioak irauten duen orduetan.
