Bedatselekuak antolatu ditu Orereta Ikastolak
HH3 eta LH3 arteko haurrei begirakoak dira udaberriko egonaldiak, eta martxoaren 10era arte eman ahalko da izena.
Orereta Ikastolaren udalekuetako artxiboko irudia. Udalekuak urte luzez antolatzen jasotako esperientzia oinarri, gaur egun Bedatselekuak (udaberriko egonaldiak) eta Negulekuak ere antolatzen ditu Orereta Ikastolak. Aurtengo Bedatselekuak martxoaren 25etik apirilaren 5era bitartean egingo dituzte, goizez, Linoko eraikinean HH3tik hasi eta LH3ra arteko haurrei begira. Ikastolakoak izan edo ez adin tarte horretako haur guztiei zabalik dago eskaintza, eta martxoaren 10era arte eman ahalko dute izena interesdunek.
“Bedatselekuek proiektu hezitzaile, euskaldun eta propioa” dutela oinarri azaldu dute antolatzaileek, “bide batez, familien premiei ere erantzunez. Euskara ardatz, haurrentzako ekintza erakargarri eta gozagarriak eskaintzea du helburu”.
izena eman edota informazio gehiago jaso nahi dutenek, hemen klik eginda egin dezakete.
