Mahai Teniseko Iparreko Challenger txapelketa, larunbatean Galtzarabordan
Galtzarabordako kiroldegian jokatuko dute taldekako txapelketa 10:00etan hasi eta 19:00ak arte Haur eta Kadete Mailako kirolariek.
Mahai tenisa erruz, larunbatean. Mahai Tenisaren agertoki bilakatuko da larunbatean Galtzaraborda kiroldegia. izan ere, bertan jokatuko da egun osoz Haur eta Kadete kategorietako Mahai Teniseko Iparreko Challenger taldekako txapelketa, Club Fontaneria Irurieta Beraun elkarteak eta Errenteriako Udalak antolatuta. Errioxa, Nafarroa, Euskadi, Asturias eta Kantabriako autonomia erkidegoetako Haur eta Kadete kategorietako taldeek hartuko dute parte.
Txapelketa ofiziala izango da, eta aurtengo Espainiako Txapelketarako sailkatzekoa. 10:00etan hasi eta 19:00etan bukatuko da. Sarrera dakoa da.
Fontaneria Irurieta Beraun Kluba 2012. urtean sortu zuten, eta gaur egun 8 eta 75 urte arteko 40 bazkide ditu. Cristobal Gamon ikastetxeko gimnasioan entrenatzen dute. Udalak herritar guztiak deitu ditu txapelketa ikustera, “larunbateko txapleketaren bidez kirol hori Oarsoaldean bistaratu eta bertako harrobia sustatu nahi da”.
