Martxan da XXXVIII. Lesoinu
Lezo Euskal Herriko Musika Eskoletako piano ikasleen arteko topaketaren egoitza bilakatu zen larunbatean. Martxotik maiatzera, 17 ekitaldi gehiagoz gozatuko dute lezoarrek.
Martxan da Lesoinu Aste Pedagogiko Musikalaren XXXVIII. ekitaldia. Aurtengo edizioa 18 ekitaldirekin lurreratuko da Lezon, otsailetik maiatzera, mota askotako emanaldiekin. Lehena iragan larunbatean egin zen Gezala Auditoriumean, giro bikainean. Lezo Euskal Herriko Musika Eskoletako piano ikasleen arteko topaketaren egoitza bilakatu zen. Orotara, 50 piano jotzaile inguru elkartu ziren Lesoinuri hasiera emateko.
Gezalan izan ziren piano jotzaile gazteei diploma bat eman zitzaien, eta saioa bukatzean, Mikel Arruti alkateak eta Miren Ormazabal zinegotziak lore sorta bat eman zieten irakasleei.
Lesoinuren gainontzeko jarduerak martxoan, apirilean eta maiatzean garatuko dira. Hurrengo emanaldia martxoaren 15ean izango da. Lesakako Giltzarri Abesbatzak kontzertua eskainiko du Gurutze Santuaren basilikan, 19:30ean.
- Martxoak 15: Lesakako Giltzarri Abesbatzaren kontzertua. 19:30ean, Gurutze Santuaren basilikan.
- Martxoak 16: Kantujira. 12:30ean, Aiton Bordatik abiatuta.
- Martxoak 16: Errenteria-Oreretako Ebanjelari Iztieta Abesbatzaren gospel kontzertua. 18:00etan, Gurutze Santuaren plazan.
- Martxoak 17: Orioko Danbolin eta Lezoko Tomas Garbizu musika banden kontzertua. 12:30ean, Gurutze Santuaren plazan.
- Martxoak 17: Errenteria-Oreretako Landarbaso Abesbatzaren kontzertua. 19:00etan, Gurutze Santuaren basilikan.
- Martxoak 18: Tailer akofonikoa Pau Eliasekin, Gezala auditorioan. Lau txanda: 12:35ean, 13:35ean, 17:00etan eta 18:00etan.
- Martxoak 18: Pau Eliasen kontzertu akofonikoa. 19:00etan, Gezala auditorioan.
- Martxoak 19: Tomas Garbizu Musika Eskolaren kontzertua. 10:30ean, Gezala auditorioan.
- Martxoak 20: Zinema: Sing street filma, Lezoko Zinema Ttikiaren eskutik. 18:00etan, Gezala auditorioan.
- Martxoak 21: Tomas Garbizu Musika Eskolaren kontzertua. 10:30ean, Gezala auditorioan.
- Martxoak 22: Ipuin musikala Tomas Garbizu Musika Eskolako ikasleekin. 10:30ean, Gezala auditorioan.
- Martxoak 23: Barañaingo Canciones de siempre eta Lezoko Sutargi Abesbatzen kontzertua. 13:00etan, Gurutze Santuaren plazan.
- Apirilak 27: Kamerata Oiasso eta Irene Sagarzazuren orkestra kontzertua. 19:00etan, Gezala auditorioan.
- Maiatzak 11: Ukelele ikastaroa Marcos Feijooren eskutik. 11:00etan, Musika Eskolan.
- Maiatzak 11: Kantujira. 12:30ean, Aiton Bordatik abiatuta.
- Maiatzak 11: Musika eta dantza emanaldia: Euskal Herriko Gazte Ikasleak, Tomas Garbizuko taldeak, Zubitxo eta Murixka Dantza Taldea. 19:00etan, Gezala auditorioan.
- Maiatzak 12: Gaztela eta Leongo Musika Eskolen elkarteko banden kontzertua. 12:30ean, Gurutze Santuaren plazan.
