Tattoo Disidentea bollotopaketa, Txerrimuñon
Larunbatean jasoko du herriguneko baserriak egun osoa iraungo duen topaketa. Euskal Herriko Bollotopaketaren aurrekari izango da.
Apirilaren 26tik 294a egingo dute Leitzan (Nafarroa) Euskal Herriko Bollotopaketa. Horri begira, girotze ekitaldiak egiten ari dire hainbat herritan. Oarsoaldekoa Lezon izango da, larunbatean (martxoak 2). Txerrimuñok jasoko du jarduera. “Toz, toz, toz. Heteronormatibitatearen disidentzia oro ongietorria izango da!”, esan dute antolatzaileek. Irabaziko den dirua Euskal Herriko Bollotopaketak antolatzeko izango direla zehaztu dute.
Eguerditik gauera arte hainbat ekitaldi jasoko ditu Txerrimuñok. Horien artetik iraunkorrena 11:00etatik 20:30era izango da: zazpi tatuatzailek gunea ezarriko dute, nahi dutenei azala tintaz ziztatzeko. Tatuajeak egin nahi dituztenek aurrez hitzordua eskatu behar diote, mezu pribatu bidez, tatuatzaileari. Hori egiteko klik egin esteka honetan. Makillatzeko eta masajeak jasotzeko aukera ere izanen da. Eskudirua eramateko eskatu dute. “Egun guztian zehar Txerrimuñoko ukuilu ilunean artista ezberdinak izango ditugu azalak ziztatzen, gorputzak mimatzen, aurpegiak atontzen.. ️.”.
Tatuatzaileez gainera, hainbat ekitaldi izango dira. Jarraian horien zerrenda:
- 12:30. Antzerqueer.
- 14:00. Marianitada.
- 14:30. Bertso bazkaria. Bertsolariak: Eli Pagola, Maider Arregi, Oihana Arana, Maddi Aiestaran. Gai jartzaileak: Uxue Alkorta eta Garazi Aldama.
- 17:00. Salsa Bachata Queer
- 20:00. Basandreak talearen kontzertua.
- 21:00. Bingo musikatua.
- 22:30. Mejillon Tigreren Hitz esanak ikuskizuna.
- 00:00. Boller Room DJ Bad Sound Sisterrekin.
