'Negu hurbilak' filmaren emanaldi berezia, gaur
OzZinema Zineklubak antolatu du emanaldi hori eta Mikel Ibarguren eta Ekain Albite zuzendariek hartuko dute parte.
Negu Hurbilak filma emango dute gaur. Negu hurbilak pasa den ostiralean estreinatu zuten pelikularen emanaldi berezia antolatu du gaurko (osteguna) OzZinema Zineklubak. 19:00etan izango da Niessen zinemetan, eta filmaren zuzendarietako bik hartuko dute parte saioan, zehazki, Mikel Ibarguren eta Ekain Albitek. sarrerak, hemen klik eginda eros daitezke.
Negu Hurbilak euskarazko film dramatiko independentea da. Negu kolektiboa dago filmaren atzean: zuzendari Ekain Albite, Mikel Ibarguren, Nicolau Mallofréeeta Adria Roca aritu dira. Xalba Ramirezekin batera idatzi dute gidoia.
2011n, badirudi Euskal Herriak bizi duen gatazka luzea amaitu dela. Neska gazte batek ihes egin du helburu argi batekin: muga gurutzatzea, badaki horrek dagoeneko seguru ez dagoen etxetik urrun eraman ahal izango duela. Ihesaldiaren erdian, Zubietara iritsi da. Mugako herri horretan, antzinako mitoak eta gatazka modernoak bat egiten dutela dirudi.
Jone Laspiur da pelikulan parte hartzen duen aktore profesional bakarra, gainontzekoak, Zubieta herriko bizilagunak dira.
