Trintxerpe musikaz blaitzeko prest
Aste honetan abiatuko dute 15. Trintxerpe Musikaz Blai jaialdia, eta hilaren 23an biribilduko dute. Musikaz gain, euskal dantza txapelketa bat ere izango da.
Gaur aurkeztu dute 15. edizioa. Datorren ostegunetik (hilak 6) hilaren 23ra (igandea da) bitarte musikaz blaituko du barrutia 2024ko Trintxerpe Musikaz Blai jaialdiak. 400 musikari baino gehiago zuzenean ikusteko aukera izango da 15. ekitaldi honetan, orotara, antolatu dituzten bost egunetan. Horietako batean, gainera, euskal dantza ere protagonista nagusia izango da, Gipuzkoako dantza askatuko 68. haurren txapelketa jasoko baitu Trintxerpek igande honetan. Kontzertu eta emanaldi gehienak Serafin Esnaola plazan izango direla aurreratu dute gaurko aurkezpenean.
Illunbe eta Ibaiertz abesbatzez gain, besteak beste, metal taldeak, perkusio jotzaileak edota eskolako dantza taldeak ikusteko aukera izango da. Euskal Herri osotik etorritako bestelako taldeek ere parte hartuko dute.
15. urteurrena izanik, gainera, Trintxerpeko danborrada bakoitzeko hiru kide alardean parte hartzera gonbidatu dituzte, Trintxerpeko martxa interpretatuz alardea itxi dezaten. 180 lagunek parte hartuko dute honetan.
Igandeko dantza txapelketari dagokionez, dantza soltekoa izango dela aurreratu dute, eta 68. edizioa izango dela aurtengoa. Oraingoan 16 urtetik beherako 8 bikote ariko dira.
Beheko koadroan aurtengo jaialdiaren egitarau osoa kontsulta daiteke:
Egitaraua
- Hilak 6 (osteguna):
- 19:00: Pasaia Musikaleko taldeen kontzertua Serafin Esnaola plazan: Banda txikia, gaitako ikasleak, perkusio taldea eta Illumbe Akordeio Orkestra.
- Hilak 7 (ostirala):
- 18:30: Konboen jaialdia Serafin Esnaola plazan: Donostiako Zabandu taldea eta Pasaia Musikaleko ikasleak.
- Hilak 8 (larunbata):
- 12:00: Kalejira egingo dute Pasaia Musikalek trikiti eta pandero ikasleek Serafin Esnaola plazan.
- 13:00: Illunbe Musika Bandaren kontzertua Serafin Esnaola plazan.
- 19:30: Gipuzkoako dantza askatuko 68. haurren txapelketa, Serafin Esnaola plazan.
- Hilak 8 (igandea):
- 12:00: Txistularien kalejira Euskadi Etorbidetik.
- 12:30: XV. Txistularien alardea Serafin Esnaola plazan. Euskal Herriko zenbait eskoletako txistulariak, metal talde bat, perkusio talde bat, Illumbe abesbatza, Ibaiertz abesbatza eta Pasaiako musika eskolako dantzariekin.
- Hilak 23 (igandea):
- 20:00: San Joan Bezpera Gudarien Plazan. Dantzak zuhaitzaren inguruan eta San Joa piztuko dute gero.
