Apar festa eta ur txirrista Gaztañoko jaiei ginga jartzeko
Hilaren 23an, Su gaua antolatu dute Arramendi mendiaren magalean.
Gaztañoko san joan sua. Tantaka zabaltzen du Gaztañoko jai batzordeak jaietako egitaraua, eta ostiral eta larunbateko egitarauak zabalduta bazituen, orain jaietarako azken egunerako antolatutakoen berri eman du. Hilaren 14tik 16ra egingo dituzte jaiak, eta azken egunean, gazte izandakoen omenezko bazkaria, eta auzoko txikienei begirako apar festa eta ur txirrista antolatu ditu.
Jaiak hilaren 16an bukatuko dira, baina badute beste hitzordu bat, hilaren 23a. Su gaua antolatu dute egun horretarako, udako solstizioa behar bezala ospatu eta ongi etorria emateko. Egun horretan 17:00etan hasi eta ordu txikiak arte izango da zer gozatu.
Gaztañoko jaiak
Hilaren 16a, igandea
- 12:00: Toka eta bote txapelketa
- 14:00: Gazte izandakoen omenez bazkaria Bukagaitz elkartean.
- 17:00: Apar festa eta ur txirrista.
- 18:30: Gaztañotik mundura: atzerriko musika, janari eta edaria, herrien arteko elkartasuna aldarrikatzeko.
Hilaren 23a, igandea
- Su gaua: 17:00etan hasita errugbi ginkana. Arratsaldean zehar afari merienda eskaintza parrilan egindako txorizo, saiheski, sagardo, ardo eta freskagarriak, eta musika. Iluntzean bideoa, ikuskizuna eta sua piztea.
Erlazionatutako edukiaKrosa eta herri afaria Gaztañoko jaietako bigarren eguneanGaztañoko jaietako lehen eguneko egitaraua zabaldu duteGaztañok jarri die soinu banda jaiei
