Pirinioetako Burdinaren Bidea, Fanderiako errotan
Burdina historian zehar: Pirinioetako Burdinaren ibilbide europarraren museoak eta monumentuak ezagutuz erakusketa bisita daiteke Fanderiako errotan.
Rikardo Mediavilla artisaua bere tailerrean. Argazki horrek irabazi zuen lehiaketa eta ikus daiteke erakusketan, besteren artean. Argazkia: Pablo Perez Herrero Pirinioetako Burdinaren Bideko elkarteak antolatutako erakusketa bisita daiteke Fanderiako errotan hilaren 23ra arte (astearteetan itxita dago). Pirinioetako Burdinaren ibilbide europarraren museo eta monumentuen gainean antolatutako argazki lehiaketara aurkeztutako lanekin ondutako erakusketa da. Pirinioetako mendilerroa oso aberatsa da burdin mineralean eta aspalditik datorkio siderurgia tradizioa.
Jarduera horrek aberastasun handia ekarri dio mendeetan eta oraindik ere aztarna ugari da bertan. Egurgintza, meatzaritza, ura eta eraldaketa fabrikek neurri handian eragin dute mendikate horretako hiri eta landa herrixken inguruetan, eta haien sozio ekonomian.
Pirinioetako Burdinaren Bideko elkarteak ondare horren ezagutza sustatzea du helburu eta Fanderiako errota ibilbide horren parte da. Elkartearen gaineko informazio gehiagorako egin klik hemen.
