Lau atxilotu hainbat gazteri eraso eta lapurreta egitea egotzita
Kaputxinoak auzoan izan ziren gertakariak herenegun. Atxilotuak lau gizon dira, horietako bi adingabeak.
Beraungo igerilekuen inguruan izan zen gertakaria, astelehen arratsean. Lau gizon atxilotu zituzten herenegun, horietako bi adingabeak, Kaputxinoak auzoan. Udaltzainek eta ertzainek egin zituzten atxiloketa horiek, hainbat gazteri eraso eta lapurreta egitea egotzita. Eusko Jaurlaritzako Segurtasun Sailak zabaldutako informazioaren arabera, atxilotuetako batek labanaz eraso egin zion biktimetako bati, hainbat ebaki eginez hanka batean.
Gertakaria herenegun izan zen, astelehenean, 21:00etan Beraungo igerilekuen inguruan. Zeinbat lekukok kirol instalazioetatik gertu bi gazte talderen arteko borroka baten berri eman zuten. Ertzaintza eta udaltzaingoa bertaratuta, borrokan parte hartu zuten lau gazte topatu zituzten zelai baten ezkutatzen saiatzen, horietako bi adingabeak. Identifikatu eta atxilotu egin zituzten , lau susmagarriek beste gazte talde bati labanaz lapurtu eta eraso egin ziotela egiaztatu ondoren. Biktimetako bat jo, piperbeltz gasezko espraia bota, eta laban batekin zauritu zuten hanka batean hainbat ebaki eginez. Bestebati hainbat kolpe eman zizkioten buruan. Bi gazte horiek herriko osasun zentroan artatu behar izan zituzten.
Poliziek eraso eta lapurretaren ustezko lau egileak atxilotu zituen, liskar iskanbilatsua, lapurreta eta lesio delituak egotzita. Ertzain etxetik pasata. Adingabeen Fiskaltzaren esku utzi zituzten bi adingabeak; adinez nagusiak diren bi atxilotuak, berriz, epailearen aurrera eraman zituzten.
