Urrezko Luma jaso du Patri Urkizuk
Bilboko Liburu Azokaren testuinguruan eman diote saria, euskararen eta euskal kultura nahiz literaturaren alde egindako lanagatik.
Atzo, asteartea, jaso zuen Patri Urkizu idazle, ikertzaile, irakasle eta euskaltzale lezoarrak Urrezko Luma, euskal literaturaren eta kulturaren adar askotan egindako lanagatik. Leixuri Arrizabalaga Bizkaiko aldundiko Kultura diputatuak eman zion saria, Bilboko Liburu Azokaren barruko ekitaldien testuinguruan.
Lezoarrak berriki aurkeztu du Eskribu galduen bila liburua. Haren ibilbidearen luze-zabalaren erakusleiho da. Askotariko esparruetan ibilitakoa da Urkizu, emankor, eta sorterriarekin estu lotuta. Hala, lan horretan laburbil daiteke Urkizuren emaria, nabarmenduz ikerketa alorrean egindako lana.
Erlazionatutako edukia“Koldo Mitxelena, Jon Mirande eta Andima Ibiñagabeitia izan ditut gogokoen”Patri Urkizuk ‘Eskribu galduen bila’ liburua aurkeztu du
