Aimar Otxoteko eta Larraitz Etxebeste, azkarrenak Intxixu Trailen
Eguraldi kaskarra eta lokatza lagun, lesakarra eta oiartzuarra izan dira lehenak iristen Uztapide plazako helmugara.
Euria eta lokatza lagun, Intxixu Trail mendi lasterketaren IX. ekitaldia jokatu da gaur goizean. Lasterkariek 16 kilometroko ibilbide gogorrari eta eguraldi kaskarrari egin behar izan diote aurre. Gizonetan Aimar Otxoteko Larrarte lesakarra izan da azkarrena, 01:16:15eko denborarekin. Hodei Lujanbio Apezetxea oiartzuarra garailetik gertu iritsi da Uztapide plazako helmugara (01:16:31). Lujanbio, gainera, oiartzuar onena ere izan da. Podiuma Josu Urrestarazu Garcia idiazabaldarrak osatu du (01:17:47).
Emakumeetan, aldiz, Larraitz Etxebeste Lizaso etxeko lasterkaria izan da garailea, 01:35:27ko denborarekin. Podiuma Urola Kostako bi lasterkarik osatu dute: Nerea Amilibia Arruti zarauztarrak (01:39:43) eta Vanessa Arbelaitz Yeregi zumaiarrak (01:40:52).
Oiartzuarren sailkapenean Odriozola Ibarguren anaiak, Mattin eta Ibon, bigarren eta hirugarren izan dira, hurrenez hurren, Hodei Lujanbioren atzetik. Emakumeetan, Intza Mitxelena Ugaldek eta Leire Urritegi Getariak osatu dute podiuma, Larraitz Etxebeste txapeldunaren atzetik. Ergoiendar onenak, berriz, Ekhi Mitxelena Martiarena eta Intza Mitxelena Ugalde izan dira. Taldekako sailkapena etxean geratu da, Intxixu Trail taldea izan baita onena.
Behin-betiko sailkapenak Herri Krosa plataforman kontsulta daitezke.
Gizonak:
- Aimar Otxoteko Larrarte (Lesaka). 01:16:15.
- Hodei Lujanbio Apezetxea (Oiartzun). 01:16:31.
- Josu Urrestarazu Garcia (Idiazabal). 01:17:47.
Emakumeak:
- Larraitz Etxebeste Lizaso (Oiartzun). 01:35:27.
- Nerea Amilibia Arruti (Zarautz). 01:39:43.
- Vanessa Arbelaitz Yeregi (Zumaia). 01:40:52.
Oiartzuar onenak (Gizonak):
- Hodei Lujanbio Apezetxea. 01:16:31.
- Mattin Odriozola Ibarguren. 01:19:56.
- Ibon Odriozola Ibarguren. 01:25:49.
Oiartzuar onenak (Emakumeak):
- Larraitz Etxebeste Lizaso. 01:35:27.
- Intza Mitxelena Ugalde. 01:46:06.
- Leire Urritegi Getaria. 01:54:45.
Ergoiendar onena (Gizonak):
- Ekhi Mitxelena Martiarena. 01:44:51.
Ergoiendar onena (Emakumeak):
- Intza Mitxelena Ugalde. 01:46:06.
Taldekako sailkapena:
- Intxixu Trail.
