EH Bildu nagusi Errenteria-Oreretan, Europako Parlamenturako bozetan ere
EH Bilduk irabazi ditu hauteskundeak. PSOE, gertutik, izan da bigarren indarra, eta EAJ izan da hirugarrena.
Europako Legebiltzarrerako hauteskundetako emaitzak Atzoko Europako Parlamenturako hauteskundeetan, berriro, EH Bildu nagusi. Azken lau hitzorduetan —2023an udal hauteskundeak maiatzean, eta Espainiako Gorteetarako hauteskundeak uztailean; aurten, Eusko Legebiltzarrerako hauteskundeak apirilean, eta Europako Parlamenturako hauteskundeak atzo— koalizio subiranista izan da lehen indarra Errenteria-Oretan. 2011n lehenengoz ezker subiranista alkatetzara iritsi zenetik, proiektua sendotzen joan da, eta atzo, beste behin ere, horren erakusle izan ziren hauteskundeak.
Orain Errepublikak plataformaren barruan aurkeztu da honakoan ere EH Bildu hauteskunde horietara, 2019an egin moduan, Esquerra Republicanak ERC eta Bloque Nacionalista Galegorekin BNG batera; Balearretako (Herrialde Katalanak) Ara Mes alderdia batu da plataformara atzoko hauteskundeei begira.
Lehen indarra, beraz, atzoko hitzorduan EH Bildu 4.630 boto paperekin; atzo botoa eman zutenen %32,96ak Orain Errepublikak plataformaren alde egin zuten udalerrian. Gertu bigarren indarra izan zen PSOE, 4.521 botorekin, %32,19a. Gainontzeko alderdiak oso urrutian: EAJk 1.662 boto lortu ditu (%11,83), PPk, 1.105 (%7,68); Sumarrek 564 boto (%4,01); Podemosek 537 (%3,82),
Abstentzioa handia atzokoan. 30.579 errenteriar zeuden deituta botoa ematera, eta horietatik 14.085 gerturatu ziren hauteslekuetara; abstentzioa %53,93koa izan zen. Europako Parlamenturako 2019ko hauteskundeekin alderatuta gorakada handia abstentzioak—%38,63koa izan zen—, aintzat hartu beharra dago, ordea, duela bost urte, Europako bozek, udal eta foru hauteskundeekin bat egin zutela, eta horrek eragin zuela zalantzarik gabe, parte hartze handiagoa. 2014ko Europako Parlamenturako hauteskundeetan izandako hauteskundeekin alderatuta, berriz, parte hartzea altuagoa izan zen atzo: 2014koan %59,82koa izan zen abstentzioa, atzoko hauteskundeetan baina ia sei puntu altuagoa.
Eskuinarentzat agertokirik ez
Atzoko datuek, beste behin, argazki garbia utzi dute: lehena eta garrantzitsuena atzerakada agertoki betean, eskuinaren formulak ez duela lekurik Errenteria-Oreretan. Beste ondorio bat ere atera daiteke emaitzei erreparatuta; abstentzio handiari muzin egin gabe, herritarren zati garrantzitsu bati urrunegia zitzaion Europako agertoki horretan, estaturik gabeko nazioei ahotsa ematea ezinbestekoa bilakatu izana.
Jarraian, atzoko emaitzen zerrenda (%1eko boz kopurutik gora lortutako alderdiena), eta parentesi artean, 2019ko emaitzak.
- EH Bildu (Orain Errepublikak): 4.630 boto, %32,96 (5.347, %28,55).
- PSOE: 4.521 boto, %32,19 (5.241 %27,98)).
- EAJ (CEUS): 1.662 boto, %11,83 (3.482 %18,59).
- PP: 1.105, %7,68 (680 %3,3).
- Sumar: 564 %4,01 (2019ko bozetan ez zen aurkeztu).
- Podemos: 537, %3,82 (2.913, %15,55).
- Vox: 288 %2,05 (120, %0,64).
- Bukatu da festa: 232 %1,65 (2019ko bozetan ez zen aurkeztu
