Chus Guedella erretratugile galiziarraren 'Fariña' erakusketa, Xenpelar Etxean
'Fariña' telebista seriean parte hartu zuten aktoreen erretratu hiperrealistez osatuta dago erakusketa hori, guztiak, Bic boligrafoarekin eginak.
Gaur zabalduko ditu ateak Chus Guedella erretratugile galiziarraren erakusketak, Fariñak, Xenpelar Etxean. Fariña telebista seriean parte hartu zuten aktoreen erretratu hiperrealistez osatuta dago erakusketa hori, guztiak, Bic boligrafoarekin eginak. Guedella ekoizpemn laguntzaile izan zen serie horretan. Galiziako Kultur Astearen barruan antolatu dute erakusketa.
Diseinatzaile ikasketak baditu ere, karikatura munduan duen abileziara bideratuko du bere lana, hiperrealismoan erreferente bilakatuz.
Gaur 19:00etan zabalduko dute erakusketa hori Xenpelar Etxean eta hilaren 30era arte izango da hura bisitatzeko aukera.
Ikusgai egongo den Fariña erakusketa Vigoko (Galizia) APAMP elkarteari dohaintzan eman zion Guedellak. Garun paralisia duten pertsonei eta haien familiei bizi proiektuan laguntzea du xede elkarte horrek.
Erakusketa bera aukera paregabea dela Chus Guedella, Galiziako hiperrealismoaren erreferente berria ezagutu eta harekin hitz egiteko esan dute antolatzaileek.
