Kultura, folklorea eta gastronomia erruz, Galiziako Astearen barruan
Film emanaldi, hitzaldi, erakusketa, poesia errezitaldi eta eskaintza gastronomikoarekin ondu dute egitaraua XXXIII. asterako.
Xoxe Estevez idazle, irakasle eta historialariak 'Galeuzka la periferia contra el paramo' liburua aurkeztuko du. Galiziako Kultura, Folklore eta Gastronomia Astearen XXXIII. ekitaldia antolatu du Gipuzkoako Galiziako Etxeak gaurtik hasi eta hilaren 30era arte. Horren barruan, hitzaldiak, poesia errezitaldia, musika emanaldiak, eta gastronomia eskaintza zabala ondu du.
Gaur bertan, Gipuzkoako Galizia Etxeko Xistral abesbatzak kontzertua egingo du Jesusen Bihotza zaharren egoitzan. Astelehenetik gainera, zabalik da Xenpelar etxean Fariña erretratuen erakusketa. Chus Guedella erretratugileak Bic boligrafoz egindakoak dira irudi horiek, eta bertara eraman ditu Fariña telebista serieko pertsonaiak. Galiziako hiperrealismoaren erreferente berria da Guedella. astelehenetik larunbatera bisita daiteke erakusketa hori, 17:00etatik 20:00etara.
Datorren asteartean, berriz, pantaila handiarekin izango da hitzordua,. Ozzinemarekin lankidetzan, Jaione Combardoren O Corno filma emango dute Niessen zinemetan. Dokoa da.
Astearen barruko hurrengo hitzordua, Xoxe Estevez idazle, irakasle, eta historialariarekin izango da. Hilaren 27an, osteguna, Galeuzka la periferia contra el paramo liburua aurkeztuko du Lekuona Fabrikan. Doakoa izango da baina beharrezkoa da gonbidapena. Egin klik hemen.
Postu gastronomikoen inaugurazioa
Agintariei harrera eta gastronomia postuen irekiera egingo dute, bestalde, hilaren 28an, ostiralarekin, 20:00etan Zumardian. Asteburu osoan zehar dastatu ahalko dira Galiziako produktuak bertan, baita erosi ere. Ez da horretara mugatuko ordea, egitaraua. Larunbata 29an, Galegoz eta euskaraz eginiko errezitaldi poetikoaren txanda helduko da. Lekuona Fabrikan ariko dira Xoxe Estevez eta Antton Kazabon irakurraldi horretan, Edurne Saizar, Oihane Mitxelena, eta Haizea Lekuona musikariekin batera. 11:30ean izango da hori.
Ordubete geroago, 12:30ean eta Zumardian Trisquele gaiten bandaren emanaldia, eta arratsaldez, 19:00etan Sarrabete folk musika taldearen emanaldia Niessen aretoan. Sarrerak, 5 euroan daude salgai. Egin klik hemen erosteko.
Igandea 30ean berriro Trisquele Gaita bandak girotuko du astea Zumardian 12:30ean egingo duen kontzertuarekin.
