Lau lanpostu sortuko ditu Lezoko Udalak
Bi margolariren, lehen mailako margolari ofizialaren, eta administrazio orokorreko teknikariaren postuak bete nahi ditu udalak, aldi baterako kontratuekin.
Lezoko Udala aldi batean betetzeko lau lanpostu sortuko dituela jakinarazi du. Bat administrari orokorreko teknikari postua da, beste bat lehen mailako margolari ofizialarena, eta beste biak margolarienak. Lanpostu horietara sarbidea izan nahi dutenek, Lanbideren zerbitzuak baliatu behar dituzte deialdi publikoa baita. Hilaren 26ra arteko epea dute margolarien arloko postuak nahi dituztenek euren eskaerak egiteko, eta 24ra artekoa administrari orokorreko teknikariarena bere egin nahi dutenek.
Margolarientzat bideratutako hiru lanpostuak lau hilabete eta erdirako izango dira, %78ko lanaldiarekin; hautatuak uztaileko lehen hamabostaldian hasiko lirateke lanean. Administrazio orokorreko lanpostuaren kasuan, hamabi hilabeterako litzateke kontratua, %100eko lanaldiarekin.
